मूकाम्बिकाष्टकम्।

मूकाम्बिकां जगन्नाथां

सर्वविद्याप्रदायिनीम्।

सिद्धिबुद्धिप्रदां देवीं

वन्देsहं परमेश्वरीम्।। 1

वेदवेद्यां महाविद्यां

सर्वमन्त्रस्वरूपिणीम्।

शुद्धज्ञानप्रदां देवीं

वन्देsहं परमेश्वरीम्।। 2

पद्मालयां सदा वन्द्यां

नारायणप्रियां श्रियम्।

महैश्वर्यप्रदां देवीं

वन्देsहं परमेश्वरीम्।। 3

क्षीराब्धितनयां नित्यां

शुद्धां पद्मासनस्थितां

सम्पत्करीं सदानन्दां

वन्देsहं परमेश्वरीम्।। 4

सन्तापनाशिनीमम्बां

शर्वाणीं सद्गतिप्रदाम्।

सर्वविघ्नहरां देवीं

वन्देsहं परमेश्वरीम्।। 5

हिमाद्रितनयां गौरीं

सर्वदेवनुतां शिवाम्।

वाञ्छितार्थप्रदां शान्तां

वन्देsहं परमेश्वरीम्।। 6

पराशक्तिं परामम्बां

मूकासुरनिषूददिनीम् ।

कोल्लापुरेश्वरीं सौम्यां

वन्देsहं परमेश्वरीम्।। 7

विद्यास्वरूपिणीं प्रातर् -

मध्याह्ने श्रीस्वरूपिणीम्।

सायं शक्तिस्वरूपां तां

वन्देsहं परमेश्वरीम्।। 8

। शुभम्।